İştirakçılar radiologiya sahəsindəki ən son yenilikləri müzakirə etdilər və praktiki təcrübələrini paylaşdılar

15 mart 2025 tarixində, OKİ Hospitalda Azərbaycan Radioloqlar Cəmiyyətinin təşkilatçılığı ilə Qusar Regional Radioloji Konfrans keçirilib. Tədbirdə radiologiya sahəsindəki ən son yeniliklər və yenilikçi yanaşmalar müzakirə olundu.

Konfransda müzakirə olunan mövzular:

Xroniki qaraciyər xəstəliklərində MR müayinəsinin rolu, cərrah radioloqlardan və sahə həkimlərindən gözləntilər, rayonlararası tibbi görüntüləmə mərkəzlərinin diaqnostikada və müalicədə yeni imkanları, böyrək törəmələrində US müayinələri, osteoid osteomalar zamanı yeni invaziv metodlar, kardiologiyada radioloji diaqnostikanın inqilabi nailiyyətləri, damar patologiyalarında yeni USM-Doppler cihazlarının tətbiqi, XXI əsrdə intervensiyon radiologiyanın hepatik xəstəliklərdə rolu, fetal beyin ultrasəs müayinəsi.

Konfrans iştirakçıları 4 DTT krediti əldə etdilər və peşəkar biliklərini daha da genişləndirdilər!

Konfransın təşkilatçılarına, dəyərli spikerlərimizə, öz iştirakları ilə tədbirimizi zənginləşdirən hörmətli qonaqlarımıza və bütün iştirakçılara dərin təşəkkürümüzü bildiririk!

OKİ Hospital olaraq, tibb sahəsində elmi tədbirlərə dəstək verməyə davam edəcəyik!