Ginekologiya
• Həftənin 7 günü vaxtında yardım
• Bütün kiçik çanaq orqanlarının ətraflı müayinəsi
• Kolposkopiya və servikoskopiya üçün ixtisaslaşdırılmış otaq
• Mammoloq və onkoloqlardan “ ikinci fikir “
• Minimal invaziv cərrahiyyə
• Qadınlar üçün hərtərəfli check-up müayinə
• Hamiləliyin idarə edilməsi
DƏQİQ DİAQNOSTİKA
OKİ Hospitalda ən dəqiq və məlumatlı tədqiqat metodları ilə ginekoloji diaqnostikanın bütün növləri həyata keçirilir.
Kolposkopiya-həkim xüsusi mikroskop vasitəsi ilə vulvanı, vagina və servikal divarları müayinə edir. 40 dəfə böyütmə ilə ginekoloq uşaqlıq boynu xərçəngi və xərçəngönü xəstəlikləri, uşaqlıq boynu eroziyanı ilkin mərhələdə aşkarlaya bilir.
Müayinə bir neçə dəqiqə davam edir və təmamilə ağrısız həyata keçirilir. Xəstə həkimin təyinatı ilə kolposkopiya etdirə bilər və aparılan araşdırma nəticəsində yüksək keyfiyyətli görüntülər əldə edəcəkdir.
Servikoskopiya histeroskop vasitəsilə aparılan servikal kanalın müayinəsidir.
Müayinə uşaqlığı yalnız vizual olaraq qiymətləndirməyə deyil, həm də əlavə tədqiqat üçün lazımi miqdarda toxuma götürməyə və dəqiq diaqnoz qoymağa imkan verir. Əgər kolposkopiya uşaqlıq boyunun ön hissəsindəki patoloji dəyişiklikləri müəyyən edirsə, servikoskopiya isə uşaqlıq boyuna keçid sahəsindəki patoloji dəyişiklikləri belə təsbit edə bilir. Müayinə bir neçə dəqiqə çəkir və praktik olaraq heç bir əks göstərişi yoxdur.
Histeroskopiya - qadın xəstəliklərinin müalicəsində ən dəqiq invaziv diaqnostik metodlardan biridir. Histeroskopiya vasitəsi ilə uşaqlıq boyunu və servikal kanalı içəridən araşdırmaq, patoloji prosesləri müəyyən etmək, zəruri hallarda biopsiya etmək və diaqnoz qoymaq mümkündür. Həkim bədxassəli patoloji dəyişiklikləri inkişafın ilkin mərhələsində müəyyən etməyə kömək edən tədqiqat üçün materialı dəqiq götürmək üçün müayinəni vizual nəzarət altında həyata keçirir.Diaqnostik prosedur 20 dəqiqəyə yaxın bir müddətdə davam edir.
CƏRRAHİ GİNEKOLOGİYA
OKİ Hospitalda xəstəliyin mürəkkəblik dərəcəsindən asılı olmayaraq bütün növ ginekoloji cərrahi əməliyyatlar aparılır. OKİ Hospitalın mütəxəssislərinin əsas məqsədi reproduktiv funksiyanın maksimum qorunması və xəstələrin sürətli sağalmasıdır.
Ultra dəqiq cərrahiyyə
Minimal invaziv əməliyyatlara xüsusi diqqət yetirilir. Bunun əsas üstünlüyü zədələnmiş orqana cərrahi müdaxilənin minimal olması və xəstənin ən qısa müddətdə normal həyata qayıda bilməsidir.