Yataq xəstələrinə qulluq , qayğı, vaxt və səylə yanaşı, müəyyən bilik və səbr də tələb edir. Bütün bunları nəzərə alaraq, OKİ klinikası “Evdə stasionar” xidmətini təşkil etmişdir.
Xidmətlərimiz:
· xəstənin həkim və tibb bacısı tərəfindən gündəlik nəzarəti
· laborator- diaqnostik müayinələrin aparılması
· evdə fərdi tibb bacısı postu
· feldşer xidmətləri (damcı, venadaxili və əzələdaxili inyeksiya, sidik kisəsinin kateterizasiyası)
· funksional müayinələr
· sutkalıq monitorinq
· reabilitasiya
Sağlam insanın düşünmədən də həyata keçirdiyi ən sadə hərəkətlər xəstəyə böyük narahatlıqlar yarada bilər. Yalnız təcrübəli tibb dayəsi xəstəyə narahatlıq yaratmadan bütün lazımi prosedurları ( bez dəyişmə, gigiyena prosedurları, alt paltar və yataq ağlarının dəyişdirilməsi və s.) icra edə bilər. Bundan əlavə, tibb dayəsi xəstədə yataq yaralarının və digər durğunluq əlamətlərinin əmələ gəlməsinin qarşısını almaq üçün lazımi biliklərə malikdir. Həmçinin tibb dayəsinin öhdəliklərinə , həkimin bütün təyinatlarına vaxtlı- vaxtında riayət etmək, xəstəliyin gedişatı və xəstənin vəziyyəti haqqında onun yaxınlarına və ya qəyyumlarına məlumat vermək də daxildir.
OKİ klinikası, yüksək keyfiyyətli tibbi və tibbi evakuasiya xidmətləri ilə yanaşı, xaricdə müalicənin ( Almaniya, Türkiyə, Rusiya və s.) təşkilində operativ xidmətləri də təklif edir.
Klinikamızın xüsusiyyətləri:
· Təcrübəli heyət
· Müasir avadanlıqlar
· Sübut olunmuş tibb
· Onlayn müşahidə
Klinikamızın mütəxəssisləri sizə və yaxınlarınıza hər an peşəkar tibbi xidmət göstərməyə hazırdır.
Ev şəraitində yerinə yetirilən ödənişli xidmətlər:
· Rentgen (tələb olunduqda)
· Ultrasəs müayinə (tələb olunduqda)
· Laborator müayinələr (tələb olunduqda)
· EKQ (tələb olunduqda)
· KT xidməti əlavə olaraq ödənişlidir və klinikada icra olunur
İstifadə olunan həcmi nəzərə alınaraq oksigen də əlavə ödənişlidir
Tibb dayələrinin qeyri-peşəkar dayələrdən üstünlükləri:
· Xəstəyə baxım xüsusi tibbi bilik tələb edir və günün 24 saatı həyata keçirilir
· Peşəkar dayə xəstənin vəziyyətini düzgün qiymətləndirir və təşvişə düşmədən dərhal həkimi xəbərdar edir
· Hər növ inyeksiyaları yeritməyi bacarır
· Xəstənin düzgün qidalanmasına nəzarət edir
· Müalicəvi masaj bacarıqlarına malikdir
· Təzyiqi ölçür
· Qanda qlükozanın miqdarını ölçür (xəstənin şəkərli diabetdən əziyyət çəkdiyi hallarda klinika qlükometrlə təmin edir )
· Yataq çarşaflarını xəstəyə əziyyət vermədən dəyişir
· Lazım gəldikdə, inqalyasiyalar etməyi bacarır
· Xəstə bezlərini dəyişdirir
· İmalə yeritməyi bacarır
· Sutkalıq monitorinq aparır
Pasiyent 24 saat bizim peşəkar tibb personalımızın nəzarəti altında olacaq.
