KT-koronar angioqrafiya - ürək damarlarının vəziyyətini qiymətləndirmək üçün istifadə edilən qeyri-invaziv diaqnostika üsuludur. Bu müayinə koronar arteriyaların strukturunu ətraflı və dəqiq şəkildə vizuallaşdırmağa imkan verir.
Prosedur zamanı damar daxilinə kontrast maddə yeridilir, bu da damarların daralması (stenoz), kalsium yığıntıları və digər patologiyaları aşkarlamağa kömək edir. Nəticədə, ürək damarlarının üçölçülü təsviri əldə olunur.
Bu üsul sürətli, ağrısız və xəstəxanaya yatış tələb etməyən bir prosedurdur və invaziv kateter angioqrafiyasına alternativ hesab olunur.
Müayinə Siemens Somatom Go. All (64 slice) cihazında aparılır.
Əsas xüsusiyyətləri:
• Metod: Kontrast maddənin venadaxili yeridilməsi ilə aparılan kompüter tomoqrafiyası (KT)
• Qeyri-invazivlik: Arteriyaya kateter yeridilməsinə ehtiyac yoxdur
• Məqsəd: Koronar arteriyalarda daralma, tıxanma və digər problemləri ətraflı göstərmək
• Nəticə: Ürək damarlarının üçölçülü təsvirlərinin əldə edilməsi
• Müddət: Skan prosesi təxminən 10 -15 dəqiqə çəkir
Üstünlüklər:
• Qeyri-invaziv: Kateterizasiyaya ehtiyac yoxdur
• Sürətli: Ənənəvi angioqrafiyaya nisbətən daha qısa zamanda aparılır
• Təhlükəsiz: İnziv metodlarla müqayisədə fəsad riski çox azdır
• Dəqiqlik: Həm kalsifik, həm də yumşaq plakları aşkar etməyə imkan verir